السلام عليكم ورحمة الله وبركاته
تدوينة اليوم عن ارواج كايلي جينر
اول شئ لما شفت كايلي تسوي دعاية على ارواجها على نفسها قلت اكيد الارواج نار وشرار ولما نزلوا حاولت اشتريهم بس مع الاسف كله سولد اوت طبعا ماراح اتكلم عن محاولة شراء كولكشن كايلي لعيد ميلادها لانه يخلص بدقيقتين فلذالك ماحالفني الحظ فيه💔
طبعا هنا محاولة اني اعتمد على روحي بالتصوير وذا اللي جا معي ماعرفت اصور باقي الالوان بالكاميرا لانه كان صعب اني امسك الكام بايدي واسوي زوم على اللون
اللون اللي بصوره هو درجة جينجر(GINGER)
اللون الغامق هو الروج والفاتح هو المحدد
الالوان من اليمين لليسار: GINGER-KRISTEN-CANDY K
الالوان كلها مطفيه ماعدا المحددات
لون كاندي من زمان عاجبني احب البيجيات اللي زي درجته هو بيج مايل على وردي بالواقع اللون افتح من اللي تشوفوه بالصوره
لون كريستن مره يناسبني واكثر شئ ماشي مع لون بشرتي
ولون جينجر بني شوي غامق بصراحه انا اخاف من الغوامق لانه موكلها تناسبني
الا وانه ناسبني ومره حبيته مع كذا لوك خفيف وثقيل
قوام الالوان وتركيبتهم مريحين وثابتيين ماتروحوا مع الاكل والشرب عن تجربه وحتى لو بدا يخف اللون بطريقه مره حلوه مومثل باقي الارواج تصير محدد بعد الاكل والشرب
ومايشققوا الشفايف ابدا بس انصح قبلهم بمرطب
والمحددات تركيبتها كريميه انا احيانا احطها بروحها اذا حسيت شفايفي جافين
لكن موثابتين احيانا مع الاكل والشرب يختفي اللون
المحددات يمكن استخدمهم اكثر من الارواج من كثر ما اني احبهم
وشوي تركيبتهم تشابه محددات كلر بوب
سعر الشراء للباكيج الواحد: 29$ دولار- 109ريال
والباكيج الواحد فيه محدد وروج وتقدري تشتري الروج او المحدد بلحاله
موقع الشراء: kyliecosmetics
كما انصح كل وحده عندها فيزا تشتريهم من الموقع وذلك لغلاء اسعراهم لدى التاجرات
والموقع يوصل للسعوديه ولكل دول الخليج
اتمنى انكم تستفيدوا وقراءة ممتعه..
0 التعليقات:
إرسال تعليق